நீ போரில் இருக்கிறாய்...

📌 மேலும் சில

நீ போரில் இருக்கிறாய்...

தெருக்களில்

எலும்புக்கூடுகள்

நடக்கின்றன,

நாய்களுடன்

சண்டையிடுகின்றன

ஒரு வாய் கஞ்சிக்காக...

யுத்தம் அங்கே

எங்கோ நடக்கிறது,

ஆனால் மரணம்

இங்கே

எங்கள் சமையலறையில்

நடக்கிறது...

எங்கோ ஒரு மூலையில் போர் நடக்க, இங்கிருக்கும் அடுப்படி அணைகிறதென்றால் இந்த உலகை ஏதோ ஒன்று இணைக்கிறது.

அது இனம், மதம், வண்ணம், வர்ணம், மற்றும் பல கடவுள்களைக் கடந்ததாக இருக்கக்கூடும். போர் கூட அதற்காகத்தான் இருக்கும். எங்கோ, எவனோ சாகிரான், எவன் செத்தா எனக்கென்ன என மணியடித்துக்கொண்டு யாராலும் இருக்க முடியாது. அதையே அவனும் நினைத்தால் கதை முடிந்தது. அதுதான் நிகழ்ந்து கொண்டிருக்கிறது (அதற்குதான் எப்போதும் அன்பே கடவுள் என கத்திக்கொண்டிருப்பது). விசயத்திற்கு வருவோம், போர்களை பற்றி புத்தகம், சினிமா, கிறுக்கல்கள் உட்பட நிறைய எழுதியாகிவிட்டது. தற்போது நிகழும் சூழ்நிலையில் எதுவும் எழுதக்கூடாது, நடப்பதை பிரதமர் கணக்காக கண்டுகொள்ளாமல் ஊர் சுற்றலாம் என நினைத்திருந்தேன். ஆனால்

"உனக்கு போரில் ஆர்வம் இல்லாமல் இருக்கலாம், ஆனால் போர் உன் மீது ஆர்வமாக உள்ளது."

என்ற லியோன் "ட்ரொட்ஸ்கியின்" வரிகள் அடியேனை கவர்ந்தது. ஆகவே கவிதைகள், பழமொழி, தத்துவங்கள் மற்றும் திரைப்படங்களில் படித்த, போர் தொடர்பான சில வரிகளை தொகுத்துள்ளேன். அது நீ(யும்) போரில் இருக்கிறாய் என்பதையே காட்டுகிறது.