சஹீர் - பாவ்லோ கொய்லோ...

புகழ்பெற்ற எழுத்தாளர் பாவ்லோ கொய்லோவின் நாவல் படைப்பு இந்த சஹீர். இந்த நாவலில் ஒரு எழுத்தாளரின் மனைவி காணாமல் போகிறார். அப்பாடா! என ஏகப் பெருமூச்சசுவிட்டு ஜனகராஜ் போல துள்ளிக்குதித்து கொண்டாடாமல், அவரைத் தேடி அந்த எழுத்தாளர் பயணம் மேற்கொள்கிறார். அமெரிக்காவில் தொடங்கி, ஸ்பெயின், பிரான்ஸ், குரோஷியா வழியாக மத்திய ஆசியாவின் ஒரு பள்ளத்தாக்கு வரை அவரது பயணம் நீள்கிறது. அந்தப் பயணத்தின் முடிவில், அவர் மனைவியை மட்டுமல்லாமல், வாழ்க்கையைப் பற்றிய ஒரு புதிய உண்மையையும் கண்டறிகிறார். Always பாவ்லோ கொய்லோ தேடல் style. இந்த கதை அவரது சொந்தக்கதை எனவும் சொல்வதுண்டு. மனைவி மீது கொண்ட காதலே இதில் பிரதானம்.

இல்லாள் அகத்து இருக்க இல்லாதது ஒன்று இல்லை

இல்லாளும் இல்லாளே ஆமாயின்-இல்லாள்

வலி கிடந்த மாற்றம் உரைக்குமேல் அவ்இல்

புலி கிடந்த தூறாய் விடும்.

என மனைவியை போற்றுவதே நாவலின் முடிவு.

'சஹீர்‌' என்பதற்கு அரபு மொழியில்‌, பார்வைக்குப்‌ புலப்படுவது, தற்போது நிலவுவது, கவனிக்கப்படாமல்‌ போவதற்கான சாத்தியமற்றது என்று அர்த்தம்‌. சஹீர்‌ ஒரு பொருளாகவோ அல்லது ஒரு நபராகவோ இருக்கலாம்‌. நாம்‌ அதனோடு/அவரோடு தொடர்பு கொண்ட நேரத்திலிருந்து, அது/அவர்‌ மெல்ல நம்முடைய சிந்தனையை ஆட்கொள்ளும்‌/அட்கொள்வார்‌. இறுதியில்‌, நம்மால்‌ வேறு எதைப்‌ பற்றியும்‌ சிந்திக்க முடியாத நிலைக்கு நாம்‌ தள்ளப்படுவோம்‌. சஹீரை ஒரு புனிதமான நிலை என்றோ அல்லது ஒரு பைத்தியக்கார நிலை என்றோ நாம்‌ கருதலாம்‌.

மொழிபெயர்ப்பில் பாவ்லோ கொய்லோவின் எல்லா படைப்புகளும் தமிழில் வெளிவந்துள்ளது. இந்த நாவலும் தற்போது கிடைக்க, வாசித்து லயித்த நாவலின் சில வரிகள் மயிலிறகு பக்கங்களாய்...