போர் தொழில் பழகாதே...

உலகம் சந்தித்த இரண்டு பெரிய போர்களுக்கு பின்பு நாட்டாமை நாடுகளுக்கு எட்டியது என்னவென்றால் "போர் என்பது ஒரு தொழில் War is a business". இன்று உலகில் எங்கேனும் போர் என நிகழ்ந்தால் அது அந்நாடுகளுக்கு கொள்ளை இலாபம் ஈட்டித் தரும். ஆங்கிலத்தில் War என்றால் குழப்பம் அல்லது குழப்பம் விளைவித்தல் என்று பொருள். இலாபத்திற்காக எங்கு வேண்டுமானாலும், எதன் மூலமானாலும் குழப்பம் விளைவிக்கலாம். அப்படியிருக்க, ஏதோ ஒரு நாட்டின் இலாபத்திற்காக எதற்காக சண்டையிட வேண்டும்?... அதனோடு இன்றைய காலகட்டத்தில் நன்கு பண்பட்ட மனிதகுலத்தின் குழப்பத் தீர்வுக்கு போர் என்பது பயன்படாத ஒன்று War is useless, என்பதுவும் தெரியும். இருந்தாலும் இந்த நிமிடம்கூட எங்காவது ஒரு மூலையில் துப்பாக்கி வெடிக்கும் சப்தம் கேட்டுக்கொண்டுதான் இருக்கிறது.

சரி!...

ஒரு இனம் அழிக்கப்படுகிறது...

ஒரு இடம் அபகரிக்கப்படுகிறது...

ஒரு கலாச்சாரம் நசுக்கப்படுகிறது...

அதனை கண்டு போராடாமல் வேடிக்கை பார்க்க முடியுமா என்றால்?...

போர் எதற்கும் தீர்வாகாது War doesn't solve anything. வரலாற்று அனுபவத்தில் உலகம் உணர்ததும் அதுதான்.

புத்தகம் சினிமா மற்றும் நடப்பு சம்பவங்களில் போர்களைப் பற்றிய செய்திகளை அறிந்துகொண்ட போது அதுதான் அடியேனுக்கும் தோன்றியது. அதனை வைத்து போர் எதற்கும் தீர்வாகாது என கிறுக்கியதுதான் இவைகள்...

எத்தொழிலினும்

போர் தொழில் பழகாதே

Don't practice war...