நீ...ண்ட மெகா சீரியல்.
1937 ஆம் ஆண்டு "Irna Phillips" என்பவரால் உருவாக்கப்பட்ட இந்த கதை NBC என்ற ரேடியோவில் தினமும் 15 நிமிடங்கள் ஒலிபரப்பப்பட்டது. பிறகு டிவி புழக்கத்திற்கு வந்த பிறகு ஜுன் 30 1952 ஆம் ஆண்டு CBS Television சேனலுக்கு மாற்றப்பட்டது. 1968 ஆம் ஆண்டுவரை வெறும் 15 நிமிடங்கள் ஓடிய இந்த சீரியலை 1977 -ல் 30 நிமிடங்களுக்கு மாற்றினார்கள். இடையில் சில சில மாற்றங்களும் தொழில்நுட்பங்களும் உருவாக 1977 முதல் 60 நிமிடங்களுக்கு மாற்றி, இந்த சீரியலை 18 செப்டம்பர் 2009 -ல் போதும் சாமி என முடித்துக் கொண்டனர். ரேடியோவில் 2500 எபிசோடுகள், டிவியில் 15762, மொத்தம் 18262 எபிசோடுகள் மற்றும் 57 சீசன்களை கலக்கிய இந்த சீரியலின் கதைதான் என்ன?
Friedrich Papa Bacler உலகப்போரின்போது ஜெர்மனியில் இருந்து அகதியாக அமேரிக்காவிற்கு வருகிறார். அவருக்கு Bill, Mera மற்றும் Trudy என மூன்று குழந்தைகள் இவர்கள் வளர்ந்து ஆளாகின்றனர். Bill குடிக்கு அடிமையாகின்றான் பிறகு திருந்தி நல்வழி வாழ்கின்றான். மூவருக்கும் திருமணம் ஆகிறது குழந்தைகள் பிறக்கிறது. அவர்களும் வளர்கிறார்கள் அவர்களுக்கும் திருமணம் ஆகிறது குழந்தைகள் பிறக்கிறது அவர்களும் வளர்கிறார்கள். குடும்பம், குட்டி குழப்பம், கசமுசா என நாம் பார்க்கும் அதே அரைத்த மாவில் நான்கு தலைமுறைக்கு இ...ழுத்து தோசை சுட்டிருக்கிறார்கள்.
57 வருடங்களில் 1653 முக்கிய கதாபாத்திரங்கள், 39 இயக்குனர்கள், 59 தயாரிப்பாளர்கள், 19 இசையமைப்பாளர்கள், 42 ஆர்ட் டைரக்டர்கள், 13 எடிட்டர், 39 மேக்கப்மேன்கள் என தொழில்நுட்ப கலைஞர்கள் பணிபுரிந்த இந்த சீரியலை 1952 முதல் 2008 வரை Procter & Gamble நிறுவனத்தார் ஒருவர் மட்டுமே வழங்கி வந்தனர். ஆனால் இந்த மெகா சீரியலை தொடர்ச்சியாக முழுவதும் பார்த்த ஒருவர் இருக்கிறாரா? எனக் கேட்டால் .....?