நிலவின் முதுகு (குட்டித் தகவல்).



'நிலவின் முதுகும் பெண்ணின் மனதும் என்றும் ரகசியம் தானா' - அற்புதமான பாடல் வரிகள்.

2015 ஆம் வருடம் நாசா அனுப்பிய DSCOVR (Deep Space Climate Obeservatory) என்ற செயற்கைக்கோள் தன்னிடம் உள்ள சக்தி வாய்ந்த EPIC (Earth Poly Chromatic Imaging) கேமரா மூலம் வான்வெளியில் உள்ள ஓசோன் படலம் மற்றும் வளிமண்டல தூசு துரும்பு குப்பை கூழங்களை மிகத் துள்ளியமாக புகைப்படம் எடுத்து அடிக்கடி அப்டேட் செய்து வருகிறது (பல லட்ச லைக்குகளையும் வாங்கியிருக்கிறது). அது சமீபத்தில் சூரிய ஒளி வீசும் பூமியின் பக்கமாக நிலவு நகரும் சமயம் பார்த்து பத்துலட்சம் கி.மீ தூரத்திலிருந்து அழகாக பல புகைப்படங்களை கிளிக்கி அனுப்பியது. அதில் இதுவரை தெரியாத மற்றும் சந்தேகத்துடன் இருந்த நிலவின் மறுபக்கத்தின் இருள் சூழ்ந்த புகைப்படமும் இருந்தது (கருப்பு நிலா). நிலவிற்கு மறுபக்கம் உள்ளதா? அது கருப்பாக இருக்குமா? கற்பனையா? நிஜமா? என்றால்! நிஜம்தான். 


மேடம் பவாரி (புத்தகம்).



பிரெஞ்சு இலக்கியம் உலக இலக்கியத்திற்கு கொடுத்த கொடைகள் ஏராளம். இதுவரை 15 முறை இலக்கியத்திற்கான நோபல் பரிசினை பிரெஞ்சு இலக்கியங்கள் அதிகபட்சமாக பெற்றதே அதற்கான சாட்சியாகும். 18 ஆம் நூற்றாண்டில் Voltaire, Jean, Jacques Rousseau, Danies Diderot மற்றும்; 19 ஆம் நூற்றாண்டில் Honore de Balzac, Gustare Flaubert, Emile Zola மற்றும்; 20 ஆம் நூற்றாண்டில் Macel Proust, Jean Ganet, Louie Ferdinaud Celine போன்ற எழுத்தாளர்களும், கவிதைக்கு Victor Hugo, Arthuer Rimbaud, Lafontaine நாடகத்திற்கு Moliere, Samual Beckett, சரித்திரத்திற்கு Blaise Pascal சிந்தனைக்கு Lespenseas போன்ற புகழ்பெற்ற எழுத்தாளர்களும் இதற்காக அரிய பணியாற்றி பிரெஞ்சு இலக்கியத்தை உலகத் தரத்திற்கு உயர்த்தினர். (இவற்களைத் தவிர்த்து இன்னும் பலர் இருக்கிறார்கள்). அவர்களின் வரிசையில் 1856 ஆம் ஆண்டு "குஸ்தாவ் பிளாபெர்ட்" (Gustave Flaubert) என்பவர் எழுதிய இலக்கிய படைப்புதான் இந்த புத்தகம் "மேடம் பாவரி" (Madame Bavary).

Dogani - The Crucible (சினிமா).



எதார்த்தங்கள், உண்மைச் சம்பவங்கள், புத்தகங்கள் இவற்றை மையமாகக் கொண்டு தயாரிக்கப்பட்டு பெரும் தாக்கத்தை ஏற்படுத்தும் திரைப்படங்களே தரமான திரைப்படங்களாக மக்கள் மனதில் நிற்கும். அவ்வாறு தாக்கத்தை ஏற்படுத்தி மனித சமுதாயத்தின் வளர்ச்சிக்கும் புரட்சிக்கும் ஒரு திரைப்படம் வித்திட்டால் அதைவிடச் சிறந்த படைப்பு வேறெதுவும் இருக்காது. அத்தகைய தரமான படைப்புதான் இந்த கொரியன் திரைப்படம் "The Crucible". தென் கொரியாவில் உள்ள Gwangju மாகாணத்தில் 2005 -ஆம் ஆண்டு நடந்த உண்மைச் சம்பவத்தை "Gong-Ji-Yong" என்பவர் புத்தகமாக எழுதினார் அதனை "Hawang Dong -Hyuk" என்பவர் திரைப்படமாக எடுத்திருந்தார். இந்த இருவர்களின் உழைப்பு வெளிவந்த பிறகு பார்வையாளர்களிடம் பெரும் மாற்றத்தை ஏற்படுத்தியது. மேலும் அரசாங்கத்தையும் சட்டத்தையும் அது போட்டிருக்கும் அழுக்குச் சட்டையையும் பிடித்து உலுக்கிப் பார்த்தது. அப்படி என்ன நடந்தது? அந்த சம்பவத்தையும் அந்த திரைப்படம் வெளிவந்த பிறகு அது ஏற்படுத்திய தாக்கத்தையும் பார்க்கலாம் வாருங்கள்.

பாணர்கள் (என் தமிழ்).



"வாழ்க்கை கர்மவினையின் சுழற்சியாக கருதப்பட்டாலும் கொண்டாட்டங்களால் நிறைந்தது". ஆடல், பாடல், இசை, நாடகம் போன்ற கலைகளால் சங்ககாலம் முதல் இன்றுவரை அந்த கொண்டாட்டங்கள் தொடர்ந்து கொண்டுதான் இருக்கிறது. தற்போது இருக்கும் தொழில்நுட்பத்தில் அந்த கலைகளும் கொண்டாட்டங்களும் வேறொரு பரிணாமத்தில் நம் வீடுதேடி வரவேற்பறைக்கே வருகிறது. அவற்றிற்கெல்லாம் சங்க காலத்தில் வாழ்ந்தவர்களே அடித்தளம் அமைத்துக் கொடுத்தனர். அவ்வாறு சங்க காலத்தில் பாடல்களைப் பாடி இசைக்கருவிகளை வாசித்து அதற்கு தகுந்தார்போல் நடனமாடி மக்களை மகிழ்வித்து கலைகளை வளர்த்தவர்கள் பாணர்கள் என அழைக்கப்பட்டனர், அவர்களின் பெண்பால் பாடினிகள். ஐம்பெரும் காப்பியமான சிலப்பதிகாரத்திற்கு உரை எழுதிய அடியார்க்கு நல்லார் இவர்களைப் பற்றி அழகாக குறிப்பிட்டுள்ளார்.

இசையுடன் பண்ணப்படுவது பண்.
பண்ணிசையுடன் பாடுபவர் பாணர்.
பண்ணிசை பொருந்த ஆடுபவர் பொருநர்.
பாடற்பொருளை மெய்படுத்திக் காட்டி ஆடுபவர் விறலியர்.
கதைப்பாட்டுடன் ஆடுபவர் கூத்தர்.

சுருக்கமாகச் சொன்னால் இவர்கள், அன்றைய கால சூப்பர் சிங்கர் மானாட மயிலாட அசத்தப்போவது யாரு சூப்பர் ஜோடி கோஸ்டிகள்.

Autumn Leaves (குட்டிக்குட்டி சினிமா).



உன்னதமான உலக சினிமாக்களை வரிசைகட்டினால் ஈரானிய திரைப்படங்களே முதல் இடத்தில் நிற்கும். பிரம்மாண்ட படைப்புகளோ, ஆச்சரிமூட்டும் கதையோ, வியக்க வைக்கும் தொழில்நுட்பங்களோ ஈரானிய படைப்பாளிகளுக்கு தேவைப்படாது. தெருவில் வித்தைகாட்டும் சாதாரண பாம்பாட்டியை ஒரு கையடக்க கேமராவில் படம்பிடித்து சத்தமில்லாமல் மயக்கி சகல விருதுகளையும் அவர்கள் தட்டிச் சென்றுவிடுவார்கள். "Children of Heaven, The White Ballon, The Cow, Bashu, Where is my Friend's Home இன்னும் பல திரைப்படங்களை இதற்கு எடுத்துக்காட்டுகளாக கூறலாம். குறும்படங்களை எடுத்துக்கொண்டால் அதிலும் அவர்களுக்கு முதலிடம்தான். தரமான ஒரு படைப்பைத் தர அவர்களுக்கு ஒரு சிறிய பொறி போதும் சிலசமயம் அது கூட தேவையிருக்காது. அந்த வகையைச் சார்ந்ததுதான் இந்த குறும்படம் "Autumn Leaves".

A Long Way Gone (புத்தகம்).



குழந்தைத் தொழிலாளர்கள் என்பதே சட்டத்திற்கு புறம்பான செயல் அதிலும் குழந்தை வீரர்கள் என்பது மனிதத்தையும் மீறக்கூடிய செயல். உலகம் கண்ட இரண்டு பெரும் போர்களிலும் குழந்தை வீரர்கள் (சிறுவர் - சிறுமியர்) ஈடுபடுத்தப் பட்டிருக்கிறார்கள். வளர்ந்த நாடுகள் என இன்று மார்தட்டிக் கொள்ளும் நாடுகள் கூட போர்களில் சிறுவர்களை கணிசமான அளவு பயன்படுத்தி இருந்தனர். ஆனால் இரண்டாம் உலகப்போருக்குப் பின்பு விழித்துக் கொண்ட உலகம் சிறுவர்களை இராணுவத்தில் அனுமதிப்பதை தடை செய்தது மேலும் இராணுவத்தில் சேர்வதற்கான கட்டாய வயது வரம்பைக் கொண்டுவந்தது. இன்று இராணுவத்தில் சிறுவர்களை எந்த நாடும் அனுமதிப்பதில்லை. அதற்கு மாற்றாக புரட்சி, விடுதலை, சுதந்திரம், மதம் என தீவிரமாக செயல்படும் சில இயக்கங்களின் மூலம் அவர்களின் கையில் விளையாட்டு பொருட்களுக்கு பதிலாக விபரீதமாக ஆயுதங்கள் திணிக்கப்படுவது நிகழ்ந்து கொண்டுதான் இருக்கிறது. ஈராக் யுத்தம் தொடங்கி வியட்நாம், ஆப்கானிஸ்தான் போர், ஆப்பிரிக்க நாடுகளின் உள்நாட்டு கலவரங்கள், ஏன்! நமக்கு நன்கு பரிச்சியமான இலங்கை யுத்தத்திலும் கணிசமான அளவு சிறுவர்கள் ஒற்றர்களாகவும் மனித வெடிகுண்டாகவும் கேடையமாகவும் பற்றாக்குறை வீரர்கள்களாகவும் முன்நிறுத்திய வரலாறு நமக்கு தெரிந்ததே. அவ்வாறு தன் நாட்டின் கலவரத்திற்காக, ஒரு இயங்கத்தின் செயல்பாட்டிற்காக பதப்படுத்தப்பட்ட - பயன்படுத்தப்பட்ட சிறுவன் ஒருவனின் சுயசரிதைதான் இந்த புத்தகம் "A Long Way Gone".

தொடர்வண்டி வாழ்க்கை (கிறுக்கல்கள்) .

நாசிக்குள் நுழையும்
சேற்று வாசனையில்
மெல்ல கண் விழிக்க,
சூரியன் மறைத்திருந்த
கருப்பு மஞ்சள்
திரை விலகி
அவள் உடுத்தியிருக்கும்
பச்சைப் புடவை
பரவலாகத் தெரிய,
குளத்தில் தேங்கியிருக்கும்
தண்ணீரையும்
தாமரை அல்லியையும்
நீந்தும் இரைக்காக
காத்திருக்கும்
மீன்கொத்தியையும்
கொக்கையும்
சாம்பல் நிற
மடையானையும்
ரசித்தபடி
சன்னலை வெறித்தபடி,
மேயப் புறப்பட்ட
ஆடு மாடு கோழி
குருவி குளவி வண்டு என
அஃறிணையோடு
அடிக்கடி தடதடக்கும்
சிறிய பெரிய
வாய்க்காலையும்
ஆளில்லா கேட்டையும்
கடந்து,
திருநெல்லிக்காவலில் ஏறும்
பண்டம் விற்பவர்களிடம்
சுண்டல் பனங்கிழங்கு
வேர்க்கடலை
அரிசி முறுக்கு என
ஒன்றை வாங்கி
அசைபோட்டுக் கொண்டு,
"வழிநெடுக வீற்றிருக்கும்
மரம் போல் மனமும்
ஓரிடத்தில்
நிலையாக நின்றாலும்
காட்சிப்பிழையாக
உடலை மட்டும்
நகர்த்துகிறது காலம்" என்ற
மகா சிந்தனையோடு,
ஸ்டேஷன் நெருங்குகையில்
படிக்கட்டுகளில் நின்று
ஆழ்ந்து ஒருமுறை
அதற்கும் ஒருமுறை
மறுமுறை இது
எங்க ஊர் காற்றென
கர்வத்தோடு
மூச்சிழுத்து உள்செலுத்தி,
பயணிகள் கவனத்திற்கு
அழகு பெண்குரலோடு
சூடான வடை
சமோசா டி காபி
குரலையும் கேட்டபடி
நிதானமாக வண்டி
நிற்குமுன் இறங்கி,
அரசமரத்தடியில்
அமர்ந்திருக்கும்
சித்தி விநாயகரை
நலம் விசாரித்து
ஒரு சலாம் போட்டுவிட்டு,
சார்! ரிக்ஷா வேணுமா?
சார்! ஆட்டோ வேணுமா?
சார்! டாக்ஸி?
கேட்பவர்களுக்கு
ஒரு நட்பை
ஒரு சொந்தத்தை
பார்த்த தொணியில்
வேண்டாம் என்பதையும்
மனதார புன்னகைத்து
பதிலளித்து,
தலையில் குல்லா
கழுத்தில் மப்ளர்
அவர் வயதிற்கு
பொருத்தமில்லாத
டிசர்ட்டுடன் காத்திருக்கும்
அப்பாவுடன்
ஸ்கூட்டரில் ஏறி,
எங்கங்கோ
சுற்றித்திரிந்து விட்டு
சொந்த கூட்டிற்குத் திரும்பும்
அந்த கடைசி மணிநேர
பயண சுகத்திற்காக
பல்லாயிரம் மைல்
தூரத்திலிருந்து
இனிதே புறப்படுகிறது
தொடர்வண்டி
வாழ்க்கை.

Paperman (குட்டிக்குட்டி சினிமா).



ஆண்பாலோ, பெண்பாலோ எதிர்பாலை ஈர்க்க சிறுவயதில் காகிதத்தில் ராக்கெட் செய்து காற்றில் பறக்கவிட்ட அனுபவம் அனைவருக்கும் இருக்கும். விளையாட்டாகவோ, விபரீதமாகவோ அது பறந்து சென்று திருப்பிக் கொண்டு வந்த நினைவுகள் அனைத்தும் பசுமையாக இருக்கும். இந்த குட்டி அனிமேஷன் சினிமாவின் கதாநாயகனும் அதுபோலத்தான் காகித ராக்கெட்களை செய்து விடுகிறான். அவை அனைத்தும் அவனை அழகிய காதலிடம் கொண்டு சேர்க்கிறது .

வத்தைக்குழம்பு ரசம் ராஜா (பாடல்கள்).



திங்கட்கிழமை மதியம் வெறும் வயிற்றில் தொடங்கும் அந்த குழப்பம். இன்னக்கி எங்க சாப்பிடலாம்? என்ன சாப்பிடலாம்?. மதியம் தொடங்கி இரவு கடந்து அடுத்த நாள் செவ்வாய் புதன் என அந்த குழப்பம் தொடர்ந்து கொண்டே இருக்கும். குழப்பத்தின் நடுவே எதோவொரு ஹோட்டலையோ மெஸ்சையோ கையேந்தி பவனையோ தேடிப்பிடித்து இரைப்பைக்கு இரைபோட்டால் எப்படா வீட்டிற்கு (சொந்த ஊருக்கு) போகலாம் என பசிக்கும். ஞாயிற்றுக்கிழமை அல்லது விடுமுறை தினத்தில், வீட்டில், என்னடா சமைக்க சிக்கனா? மட்டனா? என அம்மா கேட்க, அதெல்லாம் ஒன்னும் வேணாம் வத்தக்கொழம்பும் முட்டை பொடிமாசும் வை, இல்லைன்னா ரசம் வச்சி உருளைக் கிழங்கு வறுத்து வை என சொன்னதும் தயாராகும் பாருங்கள் அந்த சாப்பாடு, அடடா! தேவர்கள் அசுரர்கள் பாற்கடல் மேருமலை வாசுகிபாம்பு இல்லாமல் அவள் கைப் பக்குவத்தில் கிடைக்கும் அமிர்தம். அதுபோலத்தான் ராஜாவின் பாடல்களும். என்னதான் ஹிந்தி ஆங்கிலம் தெலுங்கு மலையாளம் பெங்காலி பாப் ராப் ஜாக் ராக் என பாடல்களைத் தேடித் தேடி அலைந்தாலும் கடைசியில் ராஜாவிடம் தாயன்போடு சரணடைவது பரம ஆனந்தமாய் அமையும்.

Little Terrorist (குட்டிக்குட்டி சினிமா).



ஆங்கிலேய அதிகாரி அரைபோதை மயக்கத்தில் கிழித்த கோடு (இந்தியா-பாகிஸ்தான் எல்லை), பொக்கைவாய் கிழவனின் பேச்சைக் கேட்காமல் காதி உடையும் லினன் கோட்டும் ஏற்படுத்திய பிரிவினை (யார் என்று தெரிந்ததே). காவியும் பச்சையும் கலந்து எண்ணெய் ஊற்றி எழுபது ஆண்டுகளாக அனையாமல் எரிக்கப்படும் தீ (இந்து முஸ்ஸீம் கலவரம்) இவற்றிற்கிடையே எது நடந்தாலும், வாயும் வயிறும் வேறாயினும் ரத்தமும் சதையும் ஒன்றே என மனித நேயத்துடன் வாழ்பவர்கள் இருக்கத்தான் செய்கின்றனர். அத்தகைய எளிய மனிதரின் மனித நேயத்தை அழகாக வெளிக்காட்டும் குறும்படம்தான் "Little Terrorists".

குட்டிக்குட்டி சினிமா (புதிய பகுதி அறிமுகம்).



விழிப்புணர்வு, சமூக அவலங்கள், மனித உறவுகளின் போராட்டம் இவற்றை மையமாகக் கொண்ட கதைக்கரு; துள்ளியமான காட்சிகள், நேர்த்தியான ஒளிப்பதிவு, வருடும் இசை என இயல்பான தொழில்நுட்பம்; அறிமுகமில்லாத முகங்கள், அலட்டிக் கொள்ளாத நடிப்பு, குறைவான நேரம் என்ற தேர்வு; இவற்றைக் கொண்டு தயாரிக்கப்படும் குறும்படங்கள் ஒரு படைப்பாளியின் எண்ணத்தை பிரதிபலிக்கும் கண்ணாடியாகத் திகழ்கிறது என்பது மிகையில்லை. புத்தகம் சினிமா பாடல்களைப் போன்று ரசனை மிகுந்த அத்தகைய குறும்படங்களின் தேடுதலும், தேடலில் கிடைத்த பட்டியலும் அடியேனிடம் இருக்கிறது. கிடைத்ததை எல்லாம் இந்த சிறிய கூட்டிற்குள் பத்திரப்படுத்தும் நான் அவற்றையும் சேமிக்கலாம் எனத் தோன்றியது.

"குட்டிக்குட்டி சினிமா என்ற இந்தப் புதிய பகுதியில் அடியேன் ரசித்து மெய்சிலிர்த்த குறும்படங்கள் இருக்கும், நீட்டி முழக்கி வர்ணித்து கதைசொல்லி விமர்சனம் செய்யாமல் குறும்படம் போலவே அவற்றைப் பற்றிய அறிமுகமும் இருக்கும். தொடர்ந்து இணைந்திருங்கள்.

The Letters (சினிமா) .



அது ஒரு மாலைப்பொழுது, கல்கத்தாவின் சேரிகள் நிறைந்த பகுதியில் நடந்து கொண்டிருந்த அவளுக்கு கால்கள் தடுமாறியது, லேசாக தலை சுற்றுவதுபோல் இருந்தது, கண்களுக்கு முன் தோன்றிய நீர்த்திரை பாதையை மறைக்க அவள் மிகவும் களைத்திருந்தாள், அதற்கு காரணம் பசி. கல்கத்தாவில் அவளுக்கென சொல்லிக் கொள்ளும் படியான சொந்த பந்தம் என யாரும் கிடையாது, வசிப்பதற்கு வீடோ கையில் பணமோ பொருளோ எதுவும் அவளிடம் இல்லை. ஆனால் கண்ணில் கருணையும் இதயத்தில் அன்பையும் எப்போதும் வைத்திருப்பாள். அதனைக் கொண்டு பலரது பசியை போக்கியிருக்கிறாள், அதனால் பலநேரம் அவள் பசித்து இருந்திருக்கிறாள். அன்றும் அப்படித்தான் நிகழ்ந்தது.

ஹெட்டி (சாப்ளின் பகுதி - 6).



(சாப்ளின் தனது முதல் காதலையும் காதலியின் நினைவுகளையும் அசைபோட்டபடி பல வருடங்களுக்குப் பிறகு அவளை மீண்டும் காணப்போவதை நினைத்து மகிழ்ச்சிக் கடலில் மிதந்து கப்பலில் லண்டனை நோக்கி பயணித்துக் கொண்டிருந்த முந்தைய பதிவின் தொடர்ச்சி).


கிளிக் + (புதிய பகுதி அறிமுகம்).


விளையாட்டாக ஆரம்பித்தது மொபைல் போட்டோகிராபி பழக்கம்.
ஊர் சுற்றும் பறவை வாழ்க்கை கிடைத்ததால்  எங்கு சென்றாலும் எதையாவது கிளிக்கிவிடுவது வாடிக்கையாகிவிட்டது. அவ்வாறு கிளிக்குவதில் சில புகைப்படங்கள் எதார்த்தமாக அமைந்துவிடும், சிலவற்றிற்கு கொஞ்சம் மெனக்கெடல் தேவைப்படும். கிடைத்தவைகளை தேர்ந்தெடுத்து அவற்றில் சிறந்ததை எனது பக்கங்களில் இங்கு சேமித்து வைத்திருக்கிறேன். சிலவற்றை வேண்டாம் என ஒதுக்கியும் வைத்திருக்கிறேன். "வேண்டாம் என ஒதுக்கி வைப்பவைகளில்தான் உன்னதம் ஒளிந்திருக்கிறது" என்பதற்கேற்ப ஒதுக்கி வைத்திருக்கும் புகைப்படங்கள் எதையோ உணர்த்துவதுபோல் தோன்றியது. சிறு சிறு குறைகளுடன் இருக்கும் அந்த புகைப்படங்களை பட்டி டிங்கரிங் பார்த்து அதனுடன் வாசகங்களை இணைத்து வெளியிடலாம் என்ற எண்ணம் உதித்தது. அதுதான் "கிளிக் +" (Click + Add).

ஒரு சிறிய முயற்சி.


அரச பாரம் (என் தமிழ்)



தொன்னூற்று இரண்டு நாட்கள் கண்ணாமூச்சி விளையாட்டு, விளையாட்டின் முடிவில் ஒரு மரணம், அதனைத் தொடர்ந்து யார் நாற்காலியில் அமர்வது என்ற போராட்டம், இதற்கிடையில் அவர் வருவார், இவர் வருவார், அதுதான் நடக்கும், இதுதான் நடக்கும் என எதிர்பார்த்து காத்திருக்கையில் ஏதேதோ நடந்து, எவரோ ஒருவர் அரியணையில் அமர்ந்து, என்னமோ போடா ஆட்சி தற்போது நடந்து கொண்டிருப்பது அனைவருக்கும் தெரிந்ததே. அரசாட்சி நடத்துபவர் தன் ஆட்சிக் காலத்தில் இறந்துவிட்டால் அவருக்கு பதிலாக வேறொருவர் அரியணையில் அமரும் போது ஏற்படும் இந்த குழப்பங்கள் நமக்கு புதிதாக இருந்தாலும் சங்க காலத்திலிருந்து நடந்து வந்திருக்கிறது. மன்னன் இறந்துவிட்டால் அவனது வாரிசுகளில் மூத்தவனா, இளையவனா அல்லது ஒன்றுவிட்ட, இரண்டுவிட்ட, மூன்றுவிட்ட மகன்களில் (அரசன் என்றால் சொந்தப்புரம் அந்தப்புரம் என இருக்குமே) யார்? ஆட்சிக்கு வந்தால் நாடு செழிக்கும் என்ற கவலை அப்போது அரச பாரமாக இருந்து வந்தது.

10 Information (பயாஸ்கோப்)


10 Information must read before purchase of Food Products.


Baale - An Anthem for Womenhood (பாடல்).



சமீபத்தில் ஐநா சபையே பரதத்தால் ஆடியது. மன்னிக்கவும் ஐநா சபையில் பரதம் ஆடியது சர்ச்சைக்கு உள்ளானது அனைவருக்கும் தெரிந்ததே. சமூக ஊடகமான பேஸ்புக், டுவிட்டர், வாட்ஸ்அப் போன்றவற்றில் மீமிஸ்களை உருவாக்கி அந்த மானாடிய மயிலாடிய Mind Blowing நடனத்தை கிழிகிழி என கிழித்துவிட்டார்கள் (பக்கம் பக்கமாக எழுதி கவணிக்க வைப்பவர்களை விட மீம்ஸ் கிரியேட்டர்கள் ரசிக்கவும் திரும்பிப் பார்க்கவும் வைக்கிறார்கள். இன்றைய அவசரகதி உலகத்திற்கு அத்தகைய இன்ஸ்டன்ட் Tissue Paper தகவலே தேவையெனப்படுகிறது). அந்த களோபரங்களுக்கிடையே நண்பர் ஒருவர் "Baale" என்ற அழகு பாடலை அனுப்பியிருந்தார். இரண்டொரு நிமிடங்களில் நம் தென்னகத்தின் பாரம்பரியமான நடனங்களை ரசிக்க அந்த பாடல் உதவியது.

மிர்தாதின் புத்தகம் (புத்தகம்).



அதிகாலையில் ஆல் இந்தியா ரேடியோவில் தென்கச்சி சுவாமிநாதன் அவர்கள் சொன்ன குட்டிக்குட்டி கதைகளை அப்படியே சுட்டு; ஆங்காங்கே பொறுக்கிய நறுக்கிய தத்துவங்களை சக்கையாகப் பிழிந்து; கதவைத் திற, சன்னலை சாத்து, மொட்டைமாடிக்கு வா என கிளுகிளுப்பான ஒரு தலைப்பை வைத்து; காவி உடை, கழுத்துவரை நீண்ட தாடி, ருத்ராட்சம், கமண்டலம் இவற்றோடு; புலி, மான், கரடி போன்ற அனிமல் பிளானட் தோலில் செய்யப்பட்ட சிம்மாசனத்தில் அமர்ந்து; ஹைட்டெக்கான இந்த உலகையே தாம்தான் காப்பது போல் கை காலை விரித்து அண்ணார்ந்து பார்த்து ஒரு ரொமான்டிக் லுக்குவிட்டு அட்டைப் படத்திற்கு போஸ் கொடுத்து; பூஜ்ஜியஸ்ரீ, ராஜ்யஸ்ரீ, நித்யஸ்ரீ, தத்குரு, -------னந்தா என எதாவது ஒரு பெயரில்; யாரவது ஒரு எழுத்தாளர் அடிமையை வைத்து எழுதும்- எழுதிய ஆன்மீகம், தத்துவம், சித்தாந்தம், வாழ்க்கை ஞானம் இவற்றை உள்ளடக்கிய புத்தகங்களை அடியேன் சீண்டிப் பார்த்ததில்லை.


மங்கல இசை (அனுபவம்) .



ஒரு திருமண நிகழ்சிக்காக வேலூர் சென்றிருந்தேன். சட்டையில் பொத்தான்களைப் போடாமல் இளைய தளபதி ஒருபக்கமும் டிப்டாப்பாக கோட்சூட் கூலிங்கிளாஸ் சகிதம் தல மறுபக்கமும் பிரம்மாண்ட கட்டவுட்டுகளாய் வாசலில் நின்று வரவேற்றனர். திருமணத்தை அழகாக்க இருவீட்டாரும் இணைந்து இன்னிசை நிகழ்ச்சி ஒன்றை ஏற்பாடு செய்திருந்தனர். திருமண மண்டபத்தில் அமைக்கப்பட்ட தனி மேடையில் அந்த இன்னிசை நிகழ்ச்சியில் ஒருவர் "கல்யாணமாலை கொண்டாடும் பெண்ணே என்பாட்டைக் கேளு உண்மைகள் சொல்வேன்" என பாடிக் கொண்டிருந்ததை கேட்டபடி உள்ளே சென்று அமர்ந்தேன்.

லண்டன் பயணமும் முதல் காதலும் (சாப்ளின் பகுதி - 5).



பறவைபோல் உலகமெங்கும் சுற்றினாலும் தன் சொந்த ஊருக்கு நினைவுகளை அசைபோட்டபடியே திரும்புவது சுகமான பயணமாக அமையும். அப்படியொரு பயணம் 1921 -ஆம் ஆண்டு சாப்ளினுக்கு கிடைத்தது. தந்தையை இழந்து, தாயை மனநல காப்பகத்தில் அனுமதித்து, பசியோடும் வறுமையோடும் நாடோடியாக தெருக்களில் சுற்றித் திரிந்து, பேப்பர் போடுபவனாக பூ விற்பவனாக ஹோட்டல்களில் எடுபிடிவேலை செய்பவனாக வாழ்க்கையை ஓட்டிக்கொண்டு, கிடைத்த சந்தர்ப்பத்தில் அழுகையை மறைத்து அரிதாரம் பூசி, நாடகக்குழுவில் பத்தோடு பதினொன்னாவது ஆளாக ஒட்டிக்கொண்டு அமேரிக்கா வந்து திரைப்படங்களில் நடித்து பேரும் புகழும் சம்பாதித்து பத்து வருடங்கள் கழிந்த பின் தன் சொந்த நாடான லண்டன் புறப்பட அவர் தயாராகிக் கொண்டிருந்தார்.

Mashup with "Vidya Vox" (பாடல்கள்) .



இசை பிரியர்களுக்கு மிகவும் பரிச்சியமான வார்த்தை Mashup. இந்த Mashup Song என்றால் என்ன?.

ஒரு கப் நறுக்கிய வெங்காயம், இரண்டு தக்காளி, கவுச்சி பிரியரென்றால் இரண்டு முட்டை, நான்கைந்து பச்சை மிளகாய், மதியம் வைத்த குருமா, கொஞ்சம் கருவேப்பிலை, அதனுடன் கொத்தமல்லி, சிறிதளவு மிளகுத்தூள் இவற்றோடு ஏற்கனவே சுட்டு வைத்த புரோட்டாவை பிய்த்துப்போட்டு தாளத்தோடு தோசைக் கல்லில் கொத்தினால் சுவையான கொத்து பரோட்டா ரெடி என்பதற்கேற்ப பிரபலமான பல மொழிப் பாடல்கள், அல்லது பிரபலமானவர்களின் பாடல் தொகுப்புகள், கொஞ்சம் ராகம், கொஞ்சம் தாளம், கொஞ்சம் பல்லவி இவற்றோடு ஸ்ருதிஹாசன் சேர்ந்து தமக்கு தெரிந்த வாத்தியங்களின் கலவையில் பாடல்களை கொத்துவதே Mashup Song எனப்படும். யூ-டியூபில் தேடினால் இவ்வாறான பாடல்கள் எக்கச்சக்கம் கிடைக்கும். சில நேரங்களில் இசைக்கான தனி சேனல்களிலும் அவற்றை தரிசிக்கலாம்.

இணை பிரபஞ்சம் (சில தகவல்கள்).



பருவநிலை மாற்றம் இயற்கை சீற்றம் அவ்வபோது பயமுறுத்தும் விண்கற்கள் இவற்றை கவணிக்கும்போது இந்த உலகம் அழியப்போகிறதா? அவசர அவசரமாக உலக விஞ்ஞானிகள் அமேரிக்காவில் கூடினர். உலகம் அழிந்தால் என்ன செய்வதென விவாதித்தனர். ஆளுக்கொரு கதையும் அதற்கு தீர்வும் கூற கடைசியில் நியூயார்க் சிட்டி யூனிவர்சிட்டியில் பணிபுரியும் "மிஷியோ காக்கூ (Michio Kaku)" என்பவருக்கு பேசும் வாய்ப்பு கிடைத்தது. "இந்த உலகம் மட்டுமில்லாமல் ஒட்டுமொத்த பிரபஞ்சமும் விரிவடைந்துக் கொண்டே வருகிறது அதனால் நம் பிரபஞ்சமே அழிந்துவிடும் அதற்குள் நாம் அடுத்த பிரபஞ்சத்திற்கு சென்றுவிடலாம்" என படு இயல்பாக பென்சிலால் காது குடைந்தபடி மிஷியோ காக்கூ பேசி முடித்தார். மேலும் தனது பிரம்மிக்க வைக்கும் கண்டுபிடிப்பையும் அப்போது போட்டு உடைத்தார். பார்ப்பதற்கு ஐன்ஸ்டீனின் சைனா தயாரிப்புபோல் இருக்கும் மிஷியோ காக்கூ சாதாரணமானவர் இல்லை ஐன்ஸ்டீன் முடிக்காமல் விட்டுச்சென்ற ஆராய்ச்சிகளை இன்று தொடர்பவர் அவரின் கண்டுபிடிப்புதான் "இணை பிரபஞ்சம்" (Parallel Universe).

Mistakes are better than Perfection ..(Mobile Photography) .

Mistakes are better than Perfection ..
(My Perfection and Mistake of Mobile Photo shoot).