இராணிக்கு பரிசு.

1596 ஆம் ஆண்டு பிரிட்டனை சேர்ந்த ஜான் ஹாரிங்டன் (John Haringten) என்பவருக்கு கழிவறையில் உட்கார்ந்த கனப்பொழுதில் மகா யோசனை தோன்றியது. தினமும் காலையில் ஒரு பக்கெட் நிறைய தண்ணியையும் சொம்பையும் தூக்கிக்கிட்டு இங்கு வருகிறோம்.... போகும் போது எல்லாவற்றையும் காலிசெய்துவிட்டு போகிறோம்... கார்பரேசனில் சில நாட்கள் தண்ணீர் சரியாக வருவதில்லை.... நீரை சேமியுங்கள் என ஒருபக்கம் சிலர் தவளையாக கத்திக் கொண்டிருக்கிறார்கள்.... இந்த பக்கெட்டை நாலாவது மாடிக்கு தினமும் தூக்கி சுமக்க கடினமாக இருக்கிறது.... இந்த டாய்லெட்டில் வசதியாக காலை நீட்டி, மடக்கி உட்காரவும் முடிவதில்லை.... ஸ்.ஸ்.ஸ்ஸ்ஸ்..ஸப்பா.... காலைக்கடன் பெருங்கடனாக இருக்கிறது....இதற்கு ஒரு முடிவுகட்ட வேண்டும் என அவர் யோசித்தார். 

யோசனை தோன்றியவுடன் வசதியாக உட்கார்ந்து பேப்பர் படித்தவாறு கடனை முடித்துவிட்டு, எளிதில் ஒரு பொத்தானை அழுத்தினால் தானாகவே அதுவே சுத்தம் செய்து கொள்ளும் அளவிற்கு பிளஷ் அவுட் டாய்லெட் (Flush out Toilet) இரண்டை அவர் வடிவமைத்தார். அதுதான் தற்போது நாம் பயன்படுத்தும் இன்றைய பிளஷ் அவுட் டாய்லெட்டின் (Western Toilet) முன்னோடி. அவ்வாறு அவர் உருவாக்கிய இரண்டு டாய்லெட்டில் ஒன்றை அவருக்காக பயன்படுத்திக்கொண்டார் மற்றொன்றை அழகாக பேக்கிங் செய்து, சின்னதாக ஒரு கவிதை எழுதி (அவருக்கு கவிதை எழுதும் பழக்கமும் உண்டு. அவர் ஒரு எழுத்தாளர்) என்றும் அன்புடன் என கையெழுத்துப் போட்டு இங்கிலாந்து எலிசபெத் இராணிக்கு பரிசாக வழங்கினார். அடப்பாவி! இதெல்லாம் கிப்டா கொடுப்பாங்களா? எனக்கேட்டால், அவர் கொடுத்த கிப்ட் இராணிக்கு மட்டுமல்லாமல் இன்று பலருக்கும் பயன்பட்டுக் கொண்டிருக்கிறது. ஒருவிதத்தில் நாமெல்லாம் ஜான் ஹாரிங்டனுக்கு (காலைக்) கடன் பட்டிருக்கிறோம்.