இடுகைகள்

☰ உள்ளே....

Memories of Murder - கொலையின் நினைவுகள்.

படம்
னிதனின் மனம் மிகவும் புதிரானது. பரிணாம வளர்ச்சியில் உருமாறியதால் என்னவோ அவ்வபோது அது மிருக குணத்திற்கு தாவும் தன்மையை கொண்டது. என்னதான் நாகரீகம் வளர்ந்தாலும் ஆழ்மனதில் குடிகொண்ட அந்த ஆதிகால மிருக குணம் வெளிப்படும் போதுதான் குற்ற சம்பவங்கள் நிகழ்கிறது. விதியையும் சட்டத்தையும் மீறும் மனிதனின் அத்தகைய குற்றங்கள் நீதியால் தண்டிக்கப்பட்டாலும் விடைதெரியாத மர்மங்களால் முடிவு என்ன? எனத் தெரியாது வரலாற்று பக்கங்களில் கருப்பு கறைகளாக நிரந்தரமாக தங்கிவிடும் சம்பவங்களும் இருக்கத்தான் செய்கிறது. அப்படிப்பட்ட ஒரு குற்ற சம்பவம்தான் 1986 - 1991 காலகட்டத்தில் தென்கொரியாவில் நிகழ்ந்த ஹ்வஸியாங் தொடர் கொலை சம்பவம் (Hwaseong serial murders).
தென்கொரியாவில் கியோங்க்கி மாகாணத்தில் உள்ள கிராமப்புர நகரமான ஹ்வஸியாங்கில் 1986 ஆம் ஆண்டு செப்டம்பர் 15 ஆம் நாள் 71 வயது மதிக்கத்தக்க ஒரு பெண் மர்மமான முறையில் வயல்வெளியில் கொலை செய்யப்பட்டு இறந்து கிடக்க அதனைத் தொடந்து சில மாதங்களில் அந்த கிராமப்புற நகரில் மேலும் சில கொலை சம்பவங்கள் நிகழ்ந்தது. காவல்துறை வழக்கமான விசாரணை நடவடிக்கைகளைத் தொடங்கினாலும் அடுத்தடுத்து அ…

காஃபீனிசம்.

படம்
வாங்களேன்...ஒரு கப் காஃபி சாப்பிடலாம் - என யாராவது கூப்பிட்டால் ஒரு கப் காஃபிதானே என ஓகே சொல்லாமல் கொஞ்சம் யோசித்து முடிவெடுங்கள். ஏனென்றால் நீங்கள் காஃபீனிசத்திற்கு அடிமையாகி விடக்கூடும். பாசிசம் சோசலிசம் கம்மியூனிசம் போல அது என்ன காஃபீனிசம் (Coffeinism)?..... ஜாலியாக பார்க்கலாம் வாருங்கள். 
காஃபீன் (Caffeine) என்ற வேதிப்பொருளுக்கு நம் உடல் அடிமையாகும் தன்மையே காஃபீனிசம் என அழைக்கப்படுகிறது. நமது அன்றாட வாழ்வில் கலந்துவிட்ட காஃபியில்தான் இந்த காஃபீன் என்ற நச்சுப் பொருள் அதிகமாக இருக்கிறது. ஒரு கோப்பை காஃபியில் 300 - 400 மில்லிகிராம் காஃபீன் இருக்கிறது என்றால் பார்த்துக் கொள்ளுங்களேன். அதன்படி ஒரு நாளில் மூன்று அல்லது நான்கு குவளை காஃபியினை உறிஞ்சினால் இந்த காஃபீனிசம் உங்களை ஆட்டிப் படைக்கும். ஒரு சோதனைக்கு ஒரு நாளில் நீங்கள் பருக நினைக்கும் காஃபியினை கொஞ்சம் நிறுத்திப் பாருங்கள் அந்த சமயத்தில் உங்களுக்கு உடல் சோர்வு, கொட்டாவி, தூக்க மயக்கம், தலைவலி, மற்றும் உணச்சிவசப்பட்டு எல்லைமீறி எரிந்து விழுந்து கோபப்படும் தன்மை, வயிற்று கோளாறு இவையெல்லாம் ஏற்பட்டால் கங்கிராஜிலேஷன் நீங்கள் காஃபீ…

Tunai - பேராசை.

படம்
சையே துன்பத்திற்கு காரணம் என்றார் புத்தர். ஆனால் அத்தனைக்கும் ஆசைப்படுகிறது மனது. இந்த ஆசை அளவோடு இருந்தால் பரவாயில்லை பேராசையாக மாறும்போதுதான் சிக்கல்கள் தொடங்குகிறது. நாம் நடந்து செல்லும் வழியில் யாரோ தவறவிட்ட ஒரு ஐந்து ரூபாய் நாணையம் கிடப்பதாக வைத்துக் கொள்வோம் ஆஹா!.. அதிஷ்டம் என நினைத்து அதை தம் வசப்படுத்தி கொண்டாலும் திருப்தியடையாமல் இன்னும் சில நாணையங்கள் கிடைக்காதா? என தலை கவிழ்த்தபடியே நடக்கத் தொடங்குவோம். இது எல்லா ஹோமோ செப்பியன்ஸின் இயல்பு. Abstract Reasoning என்ற பண்பியல் பகுப்பாய்வு செய்யும் மிகவும் வளர்ச்சியடைந்த மூளையின் வேலை..... சரி....இந்த குறும்படத்திற்கு வருவோம்.
நடுத்தர வயதுடைய ஒருவன் இரவுநேரத்தில் பணம் எடுப்பதற்காக ஒரு ஏ.டி.எம் மையத்தில் நுழைகிறான். வழக்கமான செயல் முறைக்கு பின் தனக்கு தேவையான பணத்தை அங்கிருக்கும் ஏ.டி.எம் மிஷினிலிருந்து அவன் எடுக்கிறான். அவனுக்கு கிடைக்கும் பணத்தில் Help என்ற வாசகம் எழுதப்பட்டிருக்க ஏதோ வேடிக்கை என நினைத்து அங்கிருந்து நகருகிறான். ஆனாலும் கேட்காத  பண்பியல் பகுப்பாய்வு செய்யும் அவனது மூளை மறுமுறை முயற்சித்து பார்க்கலாம் என்கிறது.…

The Midnight Watch - Novel.

படம்
1912 -ஆம் ஆண்டு ஏப்ரல் 5 -ஆம் தேதி இங்கிலாந்தில் உள்ள லிவர்பூல் துறைமுகத்திலிருந்து எஸ்.எஸ்.கலிபோர்னியன் என்ற சரக்கு கப்பல் அமேரிக்காவின் பாஸ்டன் துறைமுகத்தை நோக்கி அட்லாண்டிக் பெருங்கடலில் பயணிக்கத் தொடங்கியது. புயலுக்கு முன்னே அமைதி என்பது போல் பெருங்கடல் அமைதியாக இருக்க வெப்பநிலை மட்டும் உறைநிலைக்கு வெகு அருகில் குறைந்து கொண்டே வந்தது. அந்த குளிரோடு சில நாட்கள் பயணித்த அந்த கப்பலுக்கு எப்ரல் 14 -ஆம் தேதி ஞாயிற்றுக்கிழமை இரவு 7.30 மணிக்கு ஒரு அவசர செய்தி வந்தது. கப்பலின் வயர்லெஸ் ஆபரேட்டராக இருந்த சிரில் எவன்ஸ் என்பவருக்கு கிடைத்த அந்த செய்தியில் வட அட்லாண்டிக் பகுதியில் வெப்பநிலை மிகவும் மோசமாக இருப்பதாகவும் ஐஸ்பெர்க் (Iceberg) என சொல்லக் கூடிய பனிப்பாறைகளின் ஆபத்து இருப்பதாகவும் தெரிவிக்கப்பட்டது. நியூ ஃபவுண்ட்லேண்ட் தீவில் உள்ள கேப் ரேஸ் என்ற பகுதியிலிருந்து அனுப்பப்பட்ட அந்த வயர்லெஸ் செய்தி அன்றைய நாளில் வட அட்லாண்டிக் கடலில் பயணித்த அனைத்து கப்பல்களுக்கும் எச்சரிக்கையாக விடப்பட்டது.
இதற்கிடையில் பயணித்த வழியில் இரவு 7.30 மணிக்கு மூன்று பெரிய பனிப் பாறைகளையும் இரவு 9.40 மணிக்கு…

El Clasico - விளையாட்டாக ஒரு பயணம்.

படம்
வாழ்க்கையில் ஒரே ஒரு முறையாவது அவரை பார்த்துவிட வேண்டும் என்ற நோக்கில் பல துறைகளைச் சார்ந்த யாரவது ஒரு பிரபலம் ஒவ்வொருவரின் மனதிலும் இருக்கத்தான் செய்கிறார்கள். குறிப்பாக சினிமா மற்றும் விளையாட்டு வீரர்களின் ரசிகர்களைப் பற்றி சொல்லவே தேவையில்லை. சினிமா பிரபலங்களைக் காண சொல்லிக் கொள்ளாமல் ரயிலேறுபவர்களும், தினம் தினம் அந்த பிரபலங்களின் வீட்டிற்கு முன் காத்திருப்பவர்களும்,  திரையரங்குகளிலும் விளையாட்டு அரங்குகளிலும் ஈ போல் மொய்க்கும் ரசிகர்களும் இதற்கு சாட்சியாக இருக்கின்றனர். வாழ்க்கையில் ஒரே ஒரு முறையாவது அவரை சந்திக்க வேண்டும் என தம் மனம் கவர்ந்த பிரபலங்களைக் காண ரசிகர்களாகிய அவர்கள் பல சோதனைகளை சந்திக்கவும் சவால்களை ஏற்கவும் தயங்குவதில்லை. அவ்வாறு கால்பந்தாட்ட வீரர் கிறிஸ்டியானோ ரொனால்டோவை சந்திக்கும் நோக்கில் குர்திஸ்தானிலிருந்து ஸ்பெயின் நாட்டில் உள்ள மேட்ரிட் நகரத்திற்கு மோட்டர் சைக்கிளில் சாகச பயணம் மேற்கொள்ளும் இரண்டு இளைஞர்களின் கதைதான் இந்த திரைப்படம் எல் கிளாஸிகோ (El Clasico).
ஈராக் பிராந்தியத்தின் குர்திஸ்தானில் உள்ள ஒரு கிராமத்தில் வசிக்கும் குள்ளமான சகோதரர்கள் ஆலன் மற்றும…

குபேரன்.

படம்
காலையில் சாப்பிட்ட முந்திரி பொங்கலுக்கும் மதியம் என்ன விழுங்கலாம் என்ற மகா சிந்தனைக்கும் இடைப்பட்ட நேரத்தில் வேலை வெட்டி எதுவும் இல்லாத ஒரு பிற்பகலில் சலிப்புடன் டிவியை ஆன் செய்தேன். பிரபலமான முன்னால் நடிகர் ஒருவர் 'உங்கள் வீட்டில் ஐஸ்வர்யாராய் பெருக....தொழில் செழிக்க....செல்வம் கொழிக்க..... கடன் தொல்லை தீர....பணம் கூரையை பிய்த்துக் கொண்டு கொட்ட....கீழே உள்ள நம்பருக்கு மிஸ்டுகால் கொடுங்கள்' என குபேர எந்திரமும் அதனுடன் குபேர படம் போட்ட டாலரும் விற்றுக் கொண்டிருந்தார். பாவம் அவருக்கு என்ன கஷ்டமோ! நஷ்டமோ!. வேண்டா விருப்பாக அந்த நிகழ்ச்சியை பார்த்தாலும் அந்த எந்திரம் மற்றும் டாலருக்கு சொந்தமான உலகில் இருக்கும் செல்வங்களுக்கெல்லாம் அதிபதியாக விளங்கும் புராணகதையில் வரும் குபேரன் என்ற பெயரைக் கேட்டதும் அடடா! ...அவரை கொஞ்சம் வம்பிழுக்கலாம் எனத் தோன்றியது.
இந்த உலகின் படைக்கும் தொழிலை பிரம்மா ஏற்றிருந்தார். அந்த தொழிலுக்கு உதவி செய்வதற்காக தனது மனதால் பிரஜாபதி என அழைக்கப்படும் பத்து மகன்களை அவர் பெற்றெடுத்தார் அல்லது உருவாக்கினார். அந்த பிரஜாபதிகளில் ஒருவரான புலஸ்திய முனிவரின் மகனான வ…

இசைக்கு மயங்காத உயிர்கள்.

படம்
சைக்கு மயங்காத உயிர்கள் எதுவும் இல்லை. தாவரங்கள் பறவைகள் விலங்குகள் என அனைத்து உயிர்களுக்கும் இசையை உணரும் சக்தி இருக்கிறது. தாவரங்களை எடுத்துக்கொண்டால் தென்னை, மா, வாழை போன்ற மரங்களும் தக்காளி, வெண்டை, கத்தரி போன்ற காய்கறிகளும் நல்ல இசையைக் கேட்டு அதிகப்படியான மகசூலைக் கொடுப்பதாக கண்டுபிடித்திருக்கிறார்கள். முருங்கைக்காய்க்கும் கொத்தவரங்காய்க்கும் மண், சூரியஒளி , நீர், பச்சையம் இவற்றோடு ஐந்தாறு அனிரூத் பாடல் இருந்தால் போதும். விலங்குகளை பொருத்தவரை ஆடு, மாடு, நாய் இவைகள் எல்லாம் இசைக்கு அடிபணிகின்றன. சென்பகமே! சென்பகாமே! பாடினால் பசு சமத்தாக பால் சொம்பை நிரப்பிவிடும், பேச்சி பேச்சி பாடல் தெரிந்திருந்தால் எல்லா ஜல்லிக்கட்டிற்கும் தைரியமாக போய்வரலாம் (உதைபடாமல் இருக்க பின்குறிப்பு - கொஞ்சம் சாரீரம் வேண்டும்). மனிதர்களைப் பற்றி சொல்லவே வேண்டாம் மனித உடலின் நோய்களுக்கு மனதும் ஒரு காரணம். அந்த மனதை மயக்கும் இசையைக் கேட்டால் இரத்த அழுத்தம், இதய நோய், காச நோய், காதல் நோய் போன்ற நோய்கள் கூட குணமாகிவிடும். எல்லா மதங்களிலும் மந்திரம், ஜபம், தொழுகை என வழிபாட்டு முறைகள் மாறினாலும் இறைவனை மனம் உர…

அடை(யும்)மழை.

படம்

அப்பாஸ் கியரோஸ்தமி - இயக்குனர் இமயம்.

படம்
ரு குறும்படம் எப்படி இருக்க வேண்டும்? அல்லது எப்படி எடுக்க வேண்டும்? அப்பாஸ் கியரோஸ்தமியின் (Abbas Kiarostami) படைப்புகளை பார்த்து தெரிந்து கொள்ளலாம். குறும்படம் மட்டுமல்லாமல் ஒரு படைப்பாளியின் படைப்பு எத்தனை இயல்பாக அமைய வேண்டும் என்பதற்கும் அவரே சாட்சியாக இருக்கிறார். அகிரா குரஸோவா, குவெண்டின் டாரண்டினோ, வெர்னர் ஹெர்லாக், மார்டின் ஸ்கார்லஸி போன்ற மகத்தான திரைப்பட இயக்குனர்கள் பலர் உலக சினிமா ரசிகர்களின் மனம் கவர்ந்தவர்களாக இருக்க அந்த மாபெரும் இயக்குனர்கள் மற்றும் பலரும் அப்பாஸ் கியரோஸ்தமியின் ரசிகர்களாக இருக்கின்றனர்.
'சத்யஜித் ரே மறைந்தபோது நான் மிகவும் துயரடைந்தேன் ஆனால் அந்த இடத்தை நிரப்புவதற்கு சரியான நபரை தந்ததற்கு கடவுளுக்கு நன்றி தெரிவிக்கிறேன்' - அப்பாஸ் கியரோஸ்தமியைப் பற்றி அகிரா குரஸோவா குறிப்பிட்டது.
அப்பாஸ் கியரோஸ்தமி 1940 ஆம் ஆண்டு ஈரானில் உள்ள தெஹ்ரானில் பிறந்தார். சிறுவயதிலிருந்து ஓவியத்தின் மீது ஆர்வம் கொண்டிருந்த அவர் இளமையில் ஓவியம் மற்றும் வடிவமைப்புத் துறையில் பட்டம் பெற்றார். விளம்பரத்துறையில் தனது முதல் பணியைத் தொடங்கிய அவர் எழுபதுகளில் ஈரானிய திரைப…